Magic Pencil | Integrated Creative Agency | Lausanne - London - Guildford

Nus essan in'agentura creativa cumplessiva che sigliotta tut ord chadaina tras la vita – in pau sco uffants. Nus na vesain naginas barrieras, mo plazzas da giugar cun pussaivladads creativas.

Nus essan in'agentura creativa cumplessiva che sigliotta tut ord chadaina tras la vita – in pau sco uffants. Nus na vesain naginas barrieras, mo plazzas da giugar cun pussaivladads creativas.

Nus essan in'agentura creativa cumplessiva che sigliotta tut ord chadaina tras la vita – in pau sco uffants. Nus na vesain naginas barrieras, mo plazzas da giugar cun pussaivladads creativas.

Nus faschain sigls dal plaschair, sche nus dastgain crear marcas, midar percepziuns, captivar gruppas en mira e furnir renditas a noss clients.

Nossas cumpetenzas cumpiglian la reclama, la creaziun da marcas, il marketing e la communicaziun d'interpresa, tant a basa electronica sco era sin fundament dad experientschas interumanas – purtadas da la forza dal pensar magic.

Magic Pencil Logo Art
Magic Pencil Logo Art
Magic Pencil Logo Art
Magic Pencil Logo Art
Magic Pencil Logo Art
Magic Pencil Logo Art
 

GIUVENS, MA CUN EXPERIENTSCHA

Nus avain gudagnà ils cors e las testas da clients locals, regiunals ed internaziunals durant 30 onns. Ma malgrà questa ritga experientscha creativa n'emblidain nus mai che nus essan uffants a l'intern. Quai ans gida da ruschnar tras las stgatlas empè dad dir enturn ellas.

Da raiver sur ina saiv vi empè da tschertgar la genna. Nus tractain mintga incumbensa sco ina nova aventura captivanta e quai porta resultats magics, damai ch'i na dat per nus nagin stuair, nagin duair u nagin quai na va betg che frainan tut ils creschids! (A medem temp na vul quai betg dir che nus n'essan betg abels da resguardar directivas da manaschi. Nus avain schizunt gia creà sezs talas.)

NUS ESSAN IN COCTAIL COSMOPOLITIC

Magic Pencil è in coctail cosmopolitic d'influenzas culturalas. Engalterra, Svizra, Svezia, Rumenia Mauritius, Argentina, Stadis Unids da l'America, Germania: quai è mo ina pitschna part dals pajais che furman nus e nossa moda da vesair il mund. Questa maschaida dat novas perspectivas cun differenzas fascinantas che mussan tge che funcziuna, tge che interessescha sin in nivel local e tge cha ha schanzas internaziunalas.

Tranteren chaschuna quest coctail era conflicts. Ma pertge betg? I fa tut surstar tge magia che dus (u trais u quatter) differents puncts da vista vegnan da striunar nauadora.

SIN LA GLINA ED ENAVOS

Fieras sa sviluppan, termins vegnan spustads, tecnologias sa transfurman, finamiras midan: il mund creativ (!) suonda sias atgnas reglas mirvegliusas e nus ans adattain en in batterdegl.

Sche quai vul dir lavurar la notg, travagliar la fin d'emna ubain sgular sin la glina ed enavos (sa chapescha premess in budget approvà), lura sesain nus en il cockpit. Tenor noss clients è quai ina da questas chaussas magicas che distingua nus dals auters.

VUS ESSAS EN BUNS MAUNS

Irritant, sche agenturas fan sco sch'ellas fissan brigliantas en tut, u betg? Nus essan dapi 30 onns da la partida ed enconuschain nossas fermezzas, ma nus collavurain era cun partenaris spezialisads che contribueschan gist quai ch'in u l'auter project basegna per esser in success.

Crowdsourcing, l'internet da las chaussas? Tuttina tge ch'i dovra, nus garantin che Vossa marca survegnia l'attenziun cumpetenta ch'ella merita.

IN PENSAR MAGIC

Mo perquai che nus prendain per mauns incumbensas cun entusiassem uffantil na vul quai betg dir ch'i n'existia nagina metoda davos questa narradad giuvenila! Mintga project – grond e giagliard, pitschen e sexy – crescha a basa da noss process creativ cumprovà: il pensar magic.

Il pensar magic garantescha che grondas ideas na restan betg simplamain grondas. Ellas daventan eveniments impressiunants, campagnas internaziunalas attractivas e las strategias da fatschenta las pli curaschusas.